قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى  №71

2015 جىلعى 29 قاڭتار,  استانا قالاسى «قازاقستان رەسپۋبليكاسى ىشكى ىستەر ورگاندارىندا قىزمەت وتكەرۋدىڭ كەيبىر ماسەلەلەرى تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2011 جىلعى 27 مامىرداعى № 246 بۇيرىعىنا وزگەرىستەر ەنگىزۋ تۋرالى «قازاقستان رەسپۋبليكاسىنىڭ ىشكى ىستەر ورگاندارى تۋرالى» قازاقستان رەسپۋبليكاسى زاڭىنىڭ 9-بابى 2-تارماعى 10) تارماقشاسىنا سايكەس بۇيىرامىن: 1. «قازاقستان رەسپۋبليكاسى ىشكى ىستەر ورگاندارىندا قىزمەت وتكەرۋدىڭ كەيبىر ماسەلەلەرى تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2011 جىلعى 27 مامىرداعى № 246 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №7032 تىركەلگەن, قازاقستان رەسپۋبليكاسى ورتالىق اتقارۋشى جانە وزگە دە ورتالىق مەملەكەتتىك ورگاندارىنىڭ 2011 جىلعى 30 قاراشادا №31 اكتىلەر جيناعىندا جاريالانعان) مىناداي وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن ىشكى ىستەر ورگاندارىنا قىزمەتكە ۇمىتكەرلەردى ىرىكتەۋ جانە زەردەلەۋ جونىندەگى نۇسقاۋلىقتا: 6-تارماقتىڭ ەكىنشى بولىگى مىناداي رەداكتسيادا جازىلسىن: «قۇقىق قورعاۋ ورگاندارىنىڭ بۇرىنعى قىزمەتكەرلەرى ماتەريالدارىن زەردەلەۋ كەزىندە ۇمىتكەرلەردىڭ قىزمەتتەن بوساتىلعاننان كەيىنگى ەڭبەك قىزمەتىنە, راستايتىن قۇجاتتاردىڭ بار-جوعىنا نازار اۋدارىلادى. ءبىر ۋاقىتتا ۇمىتكەرگە قاتىستى ءىىم-ءنىڭ وزىندىك قاۋىپسىزدىك دەپارتامەنتىنەن, ال قوسىمشا ماتەريالداردى العان جاعدايدا ۇمىتكەر بۇرىن قىزمەت وتكەرگەن مينيسترلىكتەردىڭ, كوميتەتتەر مەن اگەنتتىكتەردىڭ وسىعان ۇقساس بولىنىستەرىنەن بەدەلىنە كىر كەلتىرەتىن ماتەريالداردىڭ بار-جوعى تۋرالى مالىمەتتەردى سۇراتادى.»; 11-تارماقتىڭ ءتورتىنشى بولىگى مىناداي رەداكتسيادا جازىلسىن: «ماتەريالدارعا: ۇمىتكەرگە جانە ونىڭ كۇيەۋىنە (ايەلىنە) كىرىستەرى مەن مۇلكى تۋرالى دەكلاراتسيانى تاپسىرۋ تۋرالى مەملەكەتتىك كىرىستەر ورگاندارىنان العان انىقتامانىڭ كوشىرمەسى, ءبىلىمى تۋرالى قۇجاتتاردىڭ كوشىرمەلەرى, ولشەمى 3,5ح4,5 فوتوسۋرەتىنىڭ ەكى داناسى قوسا بەرىلەدى.»; 12-تارماقتىڭ ءبىرىنشى بولىگى مىناداي رەداكتسيادا جازىلسىن: «12. جەدەل ەسەپتەر بويىنشا تەكسەرۋ تالاپتاردى وسى نۇسقاۋلىققا 6-قوسىمشاعا سايكەس نىسان بويىنشا, كادر اپپاراتىنىڭ باستىعى بەكىتكەن جوسپار بويىنشا وسى نۇسقاۋلىققا 5-قوسىمشاعاسايكەس نىسان بويىنشا تالاپتاردى پايدالانا وتىرىپ جۇرگىزىلەدى. ۇمىتكەردىڭ ايەلىنىڭ (كۇيەۋىنىڭ), ولاردىڭ جاقىن تۋىستارىنىڭ سوتتالعاندىعى تۋرالى مالىمەتتەر, سونداي-اق تەرىس سيپاتتاعى باسقا دا مالىمەتتەر الىنعان كەزدە قورىتىندىدا جاسالعان قىلمىستىق قۇقىق بۇزۋشىلىقتىڭ قوعامدىق قاۋىپتىلىگى, تۋىسقاندىق دارەجەسى, الداعى قىزمەتىنىڭ سيپاتى, سوتتى بولعان تۋىسقاندارىنىڭ ۇمىتكەرگە تەرىس ىقپال ەتۋى, ۇمىتكەردىڭ سوتتى بولعان تۋىسقاندارىنا ماتەريالدىق جانە وزگە دە تاۋەلدى بولۋى ەسكەرىلە وتىرىپ, ۇمىتكەردى قىزمەتكە قابىلداۋدىڭ مۇمكىندىگى نەگىزدەلەدى.» 19-تارماق مىناداي رەداكتسيادا جازىلسىن: «19. جاسى وتىز بەس جاستان اسقان ادامداردى ءىىو-عا قىزمەتكە قابىلداۋ تۋرالى شەشىم قابىلدانعان جاعدايدا ىشكى ىستەر دەپارتامەنتىنىڭ (بۇدان ءارى - ءىىد), ىشكى ىستەر مينيسترلىگىنىڭ (بۇدان ءارى - ءىىم) ءبىلىم بەرۋ ۇيىمدارىنىڭ كادر اپپاراتى ءىىم-ءنىڭ كادر اپپاراتىنا ءبىرىنشى باسشىنىڭ قولى قويىلعان قولداۋحاتتى, رەسىمدەلگەن جەكە ءىستى جولدايدى. قىلمىستىق-اتقارۋ جۇيەسى دەپارتامەنتىنىڭ (بۇدان ءارى - قاجد) كادر اپپاراتى ودان ءارى تەكسەرۋ, رەسىمدەۋ جانە ءىىم-ءنىڭ كادر اپپاراتىنا جولداۋ ءۇشىن ماتەريالداردى قىلمىستىق-اتقارۋ جۇيەسى كوميتەتىنە جولدايدى. توتەنشە جاعدايلار دەپارتامەنتىنىڭ (بۇدان ءارى - تجك) كادر اپپاراتى ودان ءارى تەكسەرۋ, رەسىمدەۋ جانە ءىىم-ءنىڭ قادر اپپاراتىنا جولداۋ ءۇشىن ماتەريالداردى توتەنشە جاعدايلار كوميتەتىنە جولدايدى. ءىىم-ءنىڭ كادر اپپاراتى ۇسىنىلعان ماتەريالداردى قاراپ, مينيستر نە ونى الماستىراتىن ادام بەكىتەتىن دالەلدى قورىتىندى شىعارادى. وڭ شەشىم شىعارىلعان جاعدايدا وسى قورىتىندى ۇمىتكەردى ارنايى باستاپقى وقىتۋعا جىبەرۋ (ەگەر ول قاتارداعى, كىشى نەمەسە ورتا باسشى قۇرام لاۋازىمىنا تاعايىنداۋعا ۇمىتكەر بولىپ تابىلاتىن جاعدايدا) جانە ۇمىتكەردى بۇدان ءارى ءىىو-عا قىزمەتكە قابىلداۋ ءۇشىن نەگىز بولىپ تابىلادى. ۇمىتكەردى ودان ءارى ءبىرىنشى ارناۋلى اتاق بەرۋگە نەمەسە ءىىو بۇرىنعى باسشى قۇرامىنداعى ادامداردى ءىىم-ءنىڭ كادرىنا قابىلداۋعا ۇسىنۋ كەزىندە ءىىم-ءنىڭ كادر اپپاراتىنا جىبەرىلەتىن ۇسىنىمحاتقا كورسەتىلگەن قورىتىندىنىڭ كوشىرمەسى قوسا تىركەلەدى.»; كورسەتىلگەن بۇيرىقپەن بەكىتىلگەن قازاقستان رەسپۋبليكاسى ىشكى ىستەر ورگاندارى قىزمەتكەرىنىڭ قىزمەتتىك كۋالىكتەر سيپاتتاماسىندا: 5-تارماقتىڭ ەكىنشى بولىگى مىناداي رەداكتسيادا جازىلسىن: «مۇقابانىڭ جوعارى جاعىندا ورىس تىلىندە ىشكى ىستەر ورگانىنىڭ اتاۋى جازىلادى, مۇقابانىڭ تومەنگى جاعىندا (مەملەكەتتىك ورتكە قارسى قىزمەتى ورگاندارىنىڭ قىزمەتكەرلەرىن قوسپاعاندا) ورىس تىلىندە گرافيكالىق شەڭبەردە دايىندالعان «اتىس قارۋىن ساقتاۋعا جانە الىپ جۇرۋگە رۇقسات بەرىلەدى» دەگەن ءماتىن بار.»; كورسەتىلگەن بۇيرىقپەن بەكىتىلگەنقازاقستان رەسپۋبليكاسىنىڭ ىشكى ىستەر ورگاندارىندا باسشى لاۋازىمدارعا جوعارىلاتۋ ءۇشىن كادر رەزەرۆىن قالىپتاستىرۋ ەرەجەسىندە: 6-تارماقتىڭ 1) تارماقشاسى مىناداي رەداكتسيادا جازىلسىن: «1) ىشكى ىستەر مينيسترلىگىنىڭ (بۇدان ءارى – ءىىم) كوميتەتتەرى توراعالارىنىڭ, دەپارتامەنتتەرىنىڭ, دەربەس باسقارمالارىنىڭ, وبلىستاردىڭ, استانا, الماتى قالالارىنىڭ جانە كولىكتەگى ىشكى ىستەر دەپارتامەنتتەرى (بۇدان ءارى – ءىىد, كىىد), توتەنشە جاعدايلار دەپارتامەنتتەرى (بۇدان ءارى – تجك ), ءىىم ءبىلىم بەرۋ ۇيىمدارى جانە ولاردىڭ قۇرىلىمدىق بولىنىستەرى باستىقتارىنىڭ ناقتى ادامداردىڭ ىسكەرلىك جانە مورالدىق قاسيەتتەرىن جان-جاقتى زەردەلەگەننەن كەيىن ولاردى تىزىمگە قوسۋ تۋرالى ۇسىنىستارى;»; 8-تارماقتىڭ ەكىنشى جانە ءۇشىنشى بولىكتەرى مىناداي رەداكتسيادا جازىلسىن: «كادر رەزەرۆىنە قابىلداۋ جونىندەگى كوميسسيا (بۇدان ءارى - كوميسسيا) ءمينيستردىڭ, ءىىد, كىىد, قاجد, تجد جانە ءىىم-ءنىڭ ءبىلىم بەرۋ باستىقتارىنىڭ بۇيرىعىمەن قۇرىلادى. كوميسسيانىڭ توراعاسى جانە ولاردىڭ مۇشەلەرى كادر رەزەرۆىنە ەنگىزىلۋى ءتيىس قىزمەتكەرلەردىڭ لاۋازىمىنداي نەمەسە ودان دا جوعارى لاۋازىمدا بولادى. ءىىم-دە كوميسسيانى ءمينيستردىڭ ورىنباسارى, ءىىد, كىىد, قاجد, تجد جانە ءىىم-ءنىڭ وقۋ ورىندارىندا باستىقتاردىڭ كادر جۇمىسى ماسەلەلەرىن جەتەكشىلىك ەتەتىن ورىنباسارلارى باسقارادى.»; 12-تارماعى ەكىنشى بولىگىنىڭ 5) تارماقشاسى مىناداي رەداكتسيادا جازىلسىن: «5) ىشكى ىستەر ورگاندارىنىڭ قىزمەتىنە كەشەندى ينسپەكتورلىق تەكسەرۋدى جۇزەگە اسىرۋ ءۇشىن ءىىم, ءىىد, كىىد, قاجد, تجد جانە ءىىم-ءنىڭ ءبىلىم بەرۋ ۇيىمدارى بريگادالارىنىڭ قۇرامىنا ەنگىزىلەدى;»; كورسەتىلگەن بۇيرىقپەن بەكىتىلگەن ءبىرىنشى, كەزەكتى جانە كەزەكتەن تىس ارناۋلى اتاقتار بەرۋ ءۇشىن ماتەريالداردى رەسىمدەۋ ماسەلەلەرى جونىندەگى نۇسقاۋلىقتا: 9-تارماقتىڭ 3) تارماقشاسى مىناداي رەداكتسيادا جازىلسىن: «3) قىزمەتكەر ۇسىنىلىپ وتىرعان ارناۋلى اتاق تۋرالى بولىمدە وسى اتاقتىڭ اتاۋى قىسقارتۋسىز, تولىق كورسەتىلەدى. ىشكى ىستەر ورگاندارىندا ورتا جانە اعا باسشى قۇرامىڭ ارناۋلى اتاقتارىندا بۇرىن قىزمەت وتكەرگەن ادامدار ءىىم كادرلارىنا قابىلداۋعا ۇسىنىلعاندا «ارناۋلى اتاعىن بەرۋگە» دەگەن سوزدەر سىزىلىپ تاستالىنادى دا, ۇستىنە «ءىىم-ءنىڭ كادرلارىنا قابىلداۋعا» دەگەن سوزدەر جازىلادى, ءارى قاراي قانداي ارناۋلى اتاقپەن كادرلارعا قابىلداناتىنى كورسەتىلەدى (مىسالى: «ءىىم-ءنىڭ كادرىنا پوليتسيا مايورىن قابىلداۋعا»). لاۋازىم شتاتتىق اتاۋىنا قاتاڭ سايكەستىكتە قىسقارتۋسىز كورسەتىلەدى. ورتا جانە اعا باسشى قۇرامداعى قىزمەتكەرلەرگە كەزەكتى ارناۋلى اتاق بەرۋگە, سونداي-اق قازاقستان رەسپۋبليكاسىنىڭ قارۋلى كۇشتەرىنە, قازاقستان رەسپۋبليكاسىنىڭ باسقا دا اسكەرلەرى مەن اسكەري قۇرىلىمدارىنا, باسقا دا قۇقىق قورعاۋ جانە ارناۋلى مەملەكەتتىك ورگاندارعا بۇرىن قىزمەت وتكەرگەن ادامداردى جانە زاپاستاعى وفيتسەرلەردى, ءىىم كادرلارىنا قابىلداۋعا وسى ادامداردىڭ ۇسىنىمحاتتارىن تولتىرۋ كەزىندە جەكە نومىرلەرى اكەسىنىڭ اتىنان كەيىن (ەگەر اكەسى بولماعان جاعدايدا, اتىنان كەيىن) جازىلادى. ادامداردى ءىىم-ءنىڭ كادرلارىنا قابىلداۋعا ۇسىنۋ كەزىندە لاۋازىمنىڭ اتاۋىنان كەيىنگى جولدا «ءىىم كادرلارىنا قابىلداي وتىرىپ,» دەپ كورسەتىلەدى.»; 9-تارماقتىڭ 11) تارماقشاسى مىناداي رەداكتسيادا جازىلسىن: «11) «قارۋلى كۇشتەردەگى, بۇرىنعى متك-دە, باسقا دا قۇقىق قورعاۋ جانە ارناۋلى مەملەكەتتىك ورگانداردا» دەگەن ءبولىم جەكە ءىستىڭ قىزمەتتەر ءتىزىمىنىڭ ءتيىستى ءبولىمىن تولتىرۋ ءۇشىن بەلگىلەنگەن تارتىپكە سايكەس كەزەكتى اتاقتار بەرۋ كەزىندە تولتىرىلادى. ءبىرىنشى اتاقتى بەرۋ نەمەسە ىشكى ىستەر ورگاندارىنىڭ بۇرىنعى قىزمەتكەرلەرىن كادرلارعا قابىلداعان كەزىندە بۇل بولىمدە بارلىق ەڭبەك قىزمەتى كورسەتىلەدى, بۇل رەتتە 3 ايدان استام ۇزىلىستەردىڭ سەبەپتەرى كورسەتىلەدى.»; 1-قوسىمشا وسى بۇيرىققا قوسىمشاعا سايكەس مىناداي رەداكتسيادا جازىلسىن; كورسەتىلگەن بۇيرىقپەن بەكىتىلگەن قازاقستان رەسپۋبليكاسى ىشكى ىستەر ورگاندارىنىڭ قىزمەتكەرىن تارتىپتىك جازاعا تارتۋ ەرەجەسىندە: 7-تارماق مىناداي رەداكتسيادا جازىلسىن: «7. قىزمەتكە تولىق سايكەس ەمەستىگى تۋرالى ەسكەرتۋ, اتقاراتىن لاۋازىمىنان بوساتۋ جانە «قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنىڭ 80-بابى 1-تارماعىنىڭ 12)-14), 16) تارماقشالارى بويىنشا ءىىو-دان شىعارۋ تۇرىندەگى جازا جۇرگىزىلگەن قىزمەتتىك تەرگەۋ ناتيجەلەرى جانە تارتىپتىك كوميسسيانىڭ ءتيىستى قورىتىندىسى ءىىم بويىنشا قولدانىلادى. قىزمەتىنە تولىق سايكەس ەمەستىگى تۋرالى ەسكەرتۋ, اتقاراتىن لاۋازىمىنان بوساتۋ تۇرىندەگى جازا القانىڭ نەمەسە قۇقىق قورعاۋ ورگانىنىڭ ءبىرىنشى باسشىسىنىڭ جانىنداعى جەدەل كەڭەستىڭ شەشىمى نەگىزىندە سالىنادى»; 13 جانە 14-تارماقتار مىناداي رەداكتسيادا جازىلسىن: «13. قىزمەتكەرگە قاتىستى قىزمەتتىك تەرگەپ-تەكسەرۋ نە سوتقا دەيىنگى تەرگەپ-تەكسەرۋ جۇرگىزىلگەن نەمەسە سوت قاراعان اكىمشىلىك قۇقىق بۇزۋشىلىق تۋرالى ءىس قوزعالعان جاعدايلاردا تارتىپتىك جازا, كىنالىنىڭ اۋىرعانىنا بايلانىستى جۇمىستا بولماۋى نەمەسە دەمالىستا, ءىسساپاردا بولۋى ۋاقىتىن ەسەپتەمەگەندە, تيىسىنشە تەرگەپ-تەكسەرۋ اياقتالعان, قىلمىستىق ءىستى نەمەسە اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋدى توقتاتۋ تۋرالى پروتسەستىك شەشىم قابىلدانعان كۇننەن باستاپ ءبىر ايدان كەشىكتىرىلمەي سالىنادى. 14. سوتقا دەيىنگى تەرگەپ-تەكسەرۋ توقتاتىلعان جاعدايلاردا, بىراق قىزمەتكەردىڭ ارەكەتتەرىندە تارتىپتىك تەرىس قىلىق, اكىمشىلىك قۇقىق بۇزۋشىلىق بەلگىلەرى بولعان كەزدە, جازا سوتقا دەيىنگى تەرگەپ-تەكسەرۋدى توقتاتۋ تۋرالى شەشىم قابىلدانعان كۇننەن باستاپ ءبىر ايدان كەشىكتىرىلمەي, سىبايلاس جەمقورلىق قۇقىق بۇزۋشىلىق بەلگىلەرى بولعان كەزدە ءۇش ايدان كەشىكتىرىلمەي سالىنادى»; كورسەتىلگەن بۇيرىقپەن بەكىتىلگەن قازاقستان رەسپۋبليكاسىنىڭ ىشكى ىستەر ورگاندارىندا قىزمەتتىك تەرگەۋ جۇرگىزۋ ەرەجەسىندە: 1-تارماعىنىڭ ءبىرىنشى بولىگى مىناداي رەداكتسيادا جازىلسىن: «قىزمەتتىك تەرگەۋ قىزمەتكەر جاساعان تارتىپتىك تەرىس قىلىقتىق سەبەپتەرىن, سيپاتىن جانە ءمان-جايلارىن انىقتاۋ, وسى ەرەجەدە كوزدەلگەن, سونداي-اق قازاقستان رەسپۋبليكاسىنىڭ زاڭناماسىنا سايكەس ءمان-جايلاردىڭ بولۋى نەمەسە بولماۋىن راستاۋ قاجەت بولعان كەزدە ىشكى ىستەر ورگانى ء(بولىنىسى) باستىعىنىڭ شەشىمى بويىنشا,ونىڭ ىشىندە قىزمەتكەرلەردىڭ جازباشا باياناتى قۇقىق قورعاۋ جانە سوت ورگاندارىنىڭ حابارلامالارى نەگىزىندە جۇرگىزىلەدى.»; 12-تارماقتىڭ 8) تارماقشاسى مىناداي رەداكتسيادا جازىلسىن: «8) وعان قاتىستى قىزمەتتىك تەرگەۋ جۇرگىزىلىپ جاتقان ادامنىڭ نە بولماسا وزگە ادامداردىڭ ءىس-ارەكەتىندە قىلمىستىق قۇقىق بۇزۋشىلىقتىڭ قۇرامىن انىقتاعان جاعدايدا, ماتەريالداردى الدىن الا تەرگەۋ ورگاندارىنا بەرۋ تۋرالى ماسەلە دەرەۋ شەشىلسىن.»; كورسەتىلگەن بۇيرىقپەن بەكىتىلگەن ىشكى ىستەر ورگاندارىنداعى قىزمەتىن توقتاتقان قىزمەتكەرلەردى ىشكى ىستەر ورگاندارىنىڭ كادرلارىنان شىعارۋ قاعيداسىندا: 15-تارماق مىناداي رەداكتسيادا جازىلسىن: «15.«قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنىڭ 80-بابى 1-تارماعىنىڭ 12),12-1), 13), 14), 16) تارماقشالارى بويىنشا ءىىو-دان جۇمىستان شىعارۋ جۇرگىزىلگەن قىزمەتتىك تەرگەۋلەر ناتيجەلەرى جانە تارتىپتىك كوميسسيانىڭ ءتيىستى قورىتىندىلارى بويىنشا جۇرگىزىلەدى. قىزمەتكەردى «قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنىڭ 80-بابى 1-تارماعىنىڭ 12),12-1), 13), 14) تارماقشالارى بويىنشا جۇمىستان شىعارۋ كەزىندە جاسالعان تەرىس قىلىقتىڭ مازمۇنى, سيپاتى جانە اۋىرلىعى, نىسانى جانە كىنا دارەجەسى, جاساۋدىڭ ءمان-جايى, تەرىس قىلىققا اكەپ سوقتىرعان نەمەسە اكەپ سوقتىرۋى مۇمكىن كەلەڭسىز سالدارلار, ونى جاساعان ادامنىڭ بۇرىنعى مىنەز-قۇلقى, ەڭبەك ءوتىلى, قىزمەتكەردىڭ جەكە باسىن سيپاتتايتىن وزگە دە ءمان-جايلار ەسكەرىلەدى.». 2. قازاقستان رەسپۋبليكاسى ىشكى ىستەر مينيسترلىگىنىڭ زاڭ دەپارتامەنتى (س.ۆ.پونومارەۆ) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە تىركەلۋىن; 2) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى پوليتسيا گەنەرال-مايورى ر.ت. جاقىپوۆقا جانە قازاقستان رەسپۋبليكاسى ىشكى ىستەر مينيسترلىگىنىڭ زاڭ دەپارتامەنتىنە (س.ۆ. پونومارەۆ) جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگiزiلەدi. قازاقستان رەسپۋبليكاسى ىشكى ىستەر ءمينيسترى پوليتسيا گەنەرال-لەيتەنانتى ق.قاسىموۆ. قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 29 قاڭتارداعى №71 بۇيرىعىنا قوسىمشا ءبىرىنشى, كەزەكتى جانە كەزەكتەن تىس ارناۋلى اتاقتار بەرۋ ءۇشىن ماتەريالداردى رەسىمدەۋ ماسەلەلەرى جونىندەگى نۇسقاۋلىققا 1-قوسىمشا نىسان لاۋازىمى بويىنشا ارناۋلى اتاعى ________________________________ قازاقستان رەسپۋبليكاسى ءىىم-ءنىڭ 20 __ جىلعى «___» _______ № ______ بۇيرىعىمەن بەكىتىلگەن ________________________________ (اتتەستاتتالعان قۇرامنىڭ شتاتتىق سانى, ليميت, رەجيم) ۇ س ى ن ى م ح ا ت ________________________________________________________________________________________ (ورگان, مەكەمە, وقۋ ورنى, لاۋازىمى, ________________________________________________________________________________________ (اتاعى, تەگى, اتى, اكەسىنىڭ اتى, جەكە ءنومىرى) ________________________________________________________________________________________ جەكە ءنومىرى بەرىلە وتىرىپ, (جەكە ءنومىر بەرىلگەندە تولتىرىلادى) ________________________________________________________________________________________ ارناۋلى اتاعىن بەرۋگە ۇسىنىلادى. (قانداي) تۋعان كۇنى, ايى, جىلى ________________________________________________________________________________________ ءبىلىمى (جالپى, ارناۋلى, جوعارى, اسكەري) ________________________________________________________________________________________ ________________________________________________________________________________________ (قاشان جانە قانداي وقۋ ورنىن بىتىرگەن) ________________________________________________________________________________________ اتاعى ___________________________________________________________________________________ (قانداي, جاڭادان قابىلدانۋشىلار ءۇشىن زاپاس بويىنشا وفيتسەرلىك اتاعى كورسەتىلەدى) ________________________________________________________________________________________ ________________جىلعى «___»_____________№ ________ بۇيرىعىمەن بەرىلگەن. (كىمنىڭ بۇيرىعى) اسكەري ەسەپتەن 20 ____ جىلعى «___» ______________ شىعارىلعان. * ادك-ءنىڭ 20 ____ جىلعى «___» ______________ قورىتىندىسى بويىنشا * اسكەري قىزمەتكە ________________________________________________________________________________________ (اسكەري-دارىگەرلىك كوميسسيانىڭ تۇجىرىمداماسى كورسەتىلەدى) ____________________________________________________________________________ دەپ تانىلعان. باستاپقى دايىندىقتان *___________________________________________________________________ ____________________________________________________________________________________ ءوتتى. قىسقاشا مىنەزدەمە باستىق (كوماندير)** ____________________________________________________________________ (لاۋازىمى, _______________________________________________________________________________________ ارناۋلى اتاعى, تەگى, قولى) 20 ____ جىلعى «___» ________________ اعا باستىقتاردىڭ قورىتىندىسى ______________________________ (لاۋازىمى, اتاعى, تەگى, قولى) 20 __ جىلعى «___» _____________ قارۋلى كۇشتەردەگى, باسقا دا اسكەري قۇرىلىمداردا, بۇرىنعى متك-دە, باسقا دا قۇقىق قورعاۋ جانە ارناۋلى مەملەكەتتىك ورگانداردا *** قاي ايدان جانە جىلدان باستاپ قاي ايعا جانە جىلعا دەيىن لاۋازىمداردىڭ, بولىمدەردىڭ, قۇرامالاردىڭ, ورگانداردىڭ, مەكەمەلەردىڭ, وقۋ ورىندارىنىڭ اتاۋى ەسكەرتپە: ەگەر ۇسىنىمحاتتا قۇپيا سيپاتتاعى مالىمەتتەر قامتىلسا, ولارعا قۇپيالىلىق بەلگىسى بەرىلەدى. * العاشقى ارناۋلى اتاقتار بەرۋ, ءىىم كادرلارىنا قابىلداۋ كەزىندە تولتىرىلادى. ** العاشقى نەمەسە كەزەكتى پوليتسيا مايورى جانە ودان جوعارى ارناۋلى اتاقتارعا ۇسىنۋكەزىندە ءىىد, كىىد-ءنىڭ, وقۋورىندارىنىڭ باستىقتارى قول قويادى. *** العاشقى ارناۋلى اتاقتى, پوليتسيا پولكوۆنيگىن بەرۋگە, سونداي-اق ءىىم-ءنىڭ كادرىنا قابىلداۋعا بۇرىن ىشكى ىستەر ورگاندارىندا قىزمەت وتكەرگەن ادامدى ۇسىنعان كەزدە بولىمدە 2 ايدان استام ۇزىلىستەردىڭ جانە قىزمەت وتكەرۋ كەزەڭىندە لاۋازىمىن تومەندەتۋدىڭ سەبەپتەرى تۇسىندىرىلە وتىرىپ, ەڭبەك قىزمەتىنىڭ باسىنان باستاپ اتقارىلعان جۇمىستارى, سونداي-اق ازاماتتىق جوعارى جانە ارنايى ورتا وقۋ ورىندارىنىڭ كۇندىزگى بولىمشەلەرىندەگى وقۋى كورسەتىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10365 بولىپ ەنگىزىلدى.